contoh pranoto adicoro
PRANOTO
HADICORO PENGAOSAN IBU IBU MUSLIMAT AL-ISTIQOMAH PLUGON
Assalamualakum
wr.wb.
Bismillahirrohmanirrohim,
alhamdulillahirobbil ‘alamin, wabihi nasta’inu ‘ala umuriddunya waddin, wassholatu wassalamu ‘ala asrofil ambiya’i
walmursalin, sayyidina muhammadin, wa ‘ala alihi wa shohbihi ajma’in, ammaba’du.
Nuwun kawulo nuwun,
wonten pangarsanipun poro sepuh, adi sepuh, aji sepuh, ingkang kulo bektosi,
Dumateng poro ngalim ingkang
kulo dhereki soho kulo takdzimi linangkung bopo ustadz........ingkang kulo antu
fatwa miwah pitutur luhuripun,
Ahli jama’ah
rohimakummulloh...
Langkung rumiyin sumonggo
sareng sareng mboten kendat ngunjukaken raos puji dalah syukur wonten pangayunan
dalem gusthi Allah SWT, ingkang sampun hambabar kenikmatan, kesarasan, soho
kawilujengan dumateng kulo panjenengan sedoyo, satemah saged kempal manunggal
wonten ing puniko majlis.
Sholawat miwah salamipun
Allah tansah kalanggengno dumateng gusthi kanjeng rosul nabi Muhammad SAW ingkang
kulo lan panjenengan antu antu menggah syafa’atipun min hadzihi sa’ah ila
yaumil qiyamah, amiin.
Saklajengipun mulat
suasono sampun dumugi titiwanci lan ngengeti
wekdal ingkang sampun siyang, pramilo adicoro pengaosan wonten ing wekdal puniko
tumuli kawiwitan. Ananging sakderengipun
badhe kulo aturaken toto urut rinakiting hadicoro ingkang badhe katiti
sesarengan.
1.
Pambuko
/ iftitahul majlis
2.
Waosan
Sholawat nabi
3.
Sambutan
utawi atur pangandikan
a. Ketua Muslimat
b. Bapak Rois / Takmir Masjid Al- Istiqomah
4.
Inti
pengaosan
5.
Monco
warni
6.
Penutup
Mekaten
wau adicoro ingkang badhe katiti sesarengan. Kangge hanggemeni wekdal, sumonggo
kito wiwiti adicoro ingkang ongko sepisan inggih puniko pambuko. Monggo
sareng-sareng adicoro pengaosan puniko kito purwakani kanthi waosan ummul kitab
sesarengan.
(liridhoillah, wali syafa’ati rasulillah,
walikulli niatin sholihah, alfatihah....)
Mekaten,
mugi mugi kanthi waosan ummul qur’an kolo wau saged mahanani rancaking
pengaosan wonten ing wanci puniko, amiin.
Kalajenganken
adicoro ingkang nomor kalih inggih meniko sholawat nabi ingkang badhe dipunpangarsani
panjenenganipun ibu/mbak...............dumateng
ibu/mbak.......... sumonggo katur.
Matur
nuwun kaaturaken dumateng ibu/mbak.... mugi-mugi kulo panjenengan sami tansah
pikanthuk syafa’atipun kanjeng nabi Muhammad SAW minaddunya hatal akhiroh,
amiin.
Tumapak
titi laksono ingkang ongko tigo non injih sambutan – sambutan utawi sabda
pangandiko
Sambutan
ingkang nomer sepisan inggih puniko saking sesepuh muslimat dusun Plugon. Pramilo
ingkang meniko dumateng Ibu Siti Fatimah wekdal kulo sumanggaaken.
Mekaten
wau sambutan saking Ibu ketua muslimat masithoh, dumateng panjenenganipun kulo
aturaken matur nuwun.
Tumuli
sabutan ingkang ongko kalih kulo suwunaken saking panjenenganipun bapak rois
(bapak takmir masjid al istiqomah). Dumateng panjenanganipun sumonggo katur.
Bapak
/ ibu poro rawuh ingkang kulo hormati mekaten wau sambutan saking bapak rois,
dumateng panjenenganipun kaaturaken matur nuwun.
Sakderengipun
titilaksono dipun lajengaken, wekdal kasuwun kangge sumene sakwetawis.
Bapak
ibu ingkang kulo hormati mboten ateges ngirangi kamardikan anggenipun sami
ngunjuk nopo dene dhahar ananging wekdal sumene kaanggep cekap.
Pramilo
hangancik titilaksono saklajengipun inggih puniko inti pengaosan, ingkang kito
suwunaken saking panjenenganipun bpk ustadz........ lan samangke kasuwun berkah
doanipun. Dumateng panjenenganipun bapak ustadz........ kasumanggaaken. (Shollu ‘ala nabi Muhammad)
Mekaten
wedaring inti pengaosan titiwanci puniko. Dumateng panjenenganipun bapak ustadz
....... kaatur ‘’jazakumulloh khoiron
jaza’ ‘’
Hadicoro
ingkang ongko gangsal non injih monco warni. Dumateng ibu soho ahli pengaosan
ing mbok bilih wonten atur pangandikan kulo caosi wekdal, sumonggo.
Dumateng
poro rawuh ahli pengaosan lumadi adicoro ingkang pungkasan injih puniko
panutup. Kulo ingkang handherekaken titilaksananeng pepanggihan purwo, madya,
wusono, wonten kekirangan lan kalepatan nyuwun lumunturung pangaksomo. Sumonggo
kito pungkasi kanthi waosan doa kafarotul majlis...
(SUBHANAKALLAHUMMA,WABIHAMDIKA,
ASYHADUALLAILAHA ILLA ANTA,
ASTAGHFIRUKA, WAATUBU ILAIIK).
Billahi
taufiq wal hidayah, tsummas assalamualaikum wr.wb.
Komentar
Posting Komentar